څانګيزه ژبنۍ او ادبي او بپاڼه  
  www.zyar.net  
 
 
  اړيكي کتابتون خونديځ(ارشيف) دپوهاندزياراندوژوند
 
نيوليک
 نېټه : 29.07.2008 |   ليكوال : پوهاند دوکتور مجاور احمدزيار     چاپي بڼه
د څارنوال صديقي صاحب په وير هم ويرمن شو

داسې برېښي چې د ارواښاد صديقي صاحب له مړينې سره، خدای مکړه، د نظراباد د صديقو قاضيانو پښتلړۍ نوره مخ پر بلېښېدو ده. هسې خو بې له هغې هم په اوسني بلواک دولت او بيا عدلي- قضايي اډانه کې داسې رښتينو او پاک نفسو ته اړتيا لاڅه چې د پښې اېښودو ځای هومره پاتې نه دی، ان تردې چې اوسنيو چارواکو د سره رود د بر سر جهادي  انډيوال ((ثابت)) هم د پاکنفسۍ په ګناه و نه شو زغملای!
که جوهر صديقي ورته په هماغه ځوان ځوانۍ کې ور پرې اېښې وه، نو څارنوال صاحب ته هم د يېنې اوږده  او دردوونکې ناروغتيا په هرډول، خو  همدا مړينه د پت وعزت پرده شوه. ده که څه هم خپله مشره لور صفيه جانه هم حقوق پوهه وروزله، خو چې دې هم وليدل، په يوه بې قانونه او بې حقوقه دولت کې د حق او حقوقو خبرې کوم ځای نه نيسي، نو دشعرو ادب لاره روده يې غوره او غنيمت و ګڼله او د خپلو هېوادوالو د رښتو د ښه ترا پرځای کولو لپاره يې د ننګرهار د لومړنۍ ښځمنې په توګه د ولسي جرګې امرلې(منتخبه) استازي تر لاسه کړه.
زه يې ورسره د شعروشاعرۍ د يوه هڅوونکي او کورني دوست په توګه د ارواښاد پلار په وير کې له نورو خواخوږو  سره يوځای ځان شريکوم او د همدې مېړنۍ او فرهنګيالۍ لور او د دې د مور بي بي، مشر ورور عبدالهادي صديقي او کشر فيصل صديقي، خويندو او منلي تره عبدالمالک جوهر صديقي، نورو کورنيو غړيو او دوستانو ته د زړه له ژورو خواشينۍ او خواخوږۍ وړاندې څرګندوم، ټولو ويرژليو ته يې زغم او اجر غواړم او هغه خدای بښلي ته جنتونه!


    اروايې ښاده او ياد يې تلپاتې!


بېرته شاته

كـــــور
نوې ژبپوهنه
پښويه(ګرامر)
ليکلار
وييپوهنه
سيند(قاموس)
بدلمېچ(عروض)
پښتواوپښتانه
کړنيزه ژبپوهنه
نوې ادبپوهنه
شعري ځېلونه (ژانرونه)
نثري ځېلونه
کر ه کتنه
غبرګون
خبرتيا او ګوزارش
پیِغامونه
ليکونه
انځورونه
كــــور  ::   دپوهاندزياراندوژوند  ::   خونديځ(ارشيف)  ::   کتابتون  ::   اړيكي